Wednesday, August 27, 2008

သင်းကွဲငှက်၏ ရာဇ၀င်သစ်

သူက
လောက၏တေးကဗျာတစ်ပုဒ် ဖြစ်တယ်..
လောကအတွက် တေးကဗျာ ဖန်ဆင်းပေးသူလည်း ဖြစ်တယ်...
သူက သူ၏ကျော်ကြားစေသူ
သူက ကျော်ကြားခြင်းအောက်၌ လည်စင်းကျဆုံးသူ...
သူက လောက၏ အသည်းနလုံးတစ်ခု
လောကသည် သူအတွက် အသည်းနလုံးဖြစ်ခဲ့သူ...


သူက
ကြိုးကြာငှက်၏ အသည်းနှလုံးနှင့် ဥဒေါင်းငှက်တို၏ ၀ိညာဉ်ဝင်စားသူ
ဂီတမှော်ကြိုးတို့၏ ဆုံမှတ်တို့ဖြစ်သလို
အနုပညာဇျာန်ဝင်စားသူတို့၏ နလုံးသည်းပွက်ခြေရာစုလည်းဖြစ်တယ်...
အာရုံဦးလေညုင်းနှင့် ညနေစောင်းဆည်းဆာမှာ ကဗျာတေးဖွဲလိုသူ
ပန်းပွင့်၏မျက်ရည်နှင့် ကိုယ်လက်သန့်စင်ပြီး
သူ၏သွေးဖြင့် တေးသွားများအား သစ်လွင်တောင်ပြောင် ရှင်သန်စေသူ…


သူလက်ပေါ်မှာ
မသွေးဘဲ လက်တဲ့စိန်သွားတစ်လက်၊
စကားလုံးတိုပျိုမျစ်သစ်နေတဲ့
အသစ်စက်စက် အဘိဓါန်တစ်အုပ်၏ ပထမစာမျက်နှာ ရှိတယ်…

သူအသံမှာ
ကာရံတို့ကွန့်မြူးတဲ့ တေးချိုချိုတစ်ပုဒ်၊
သူဆုတောင်းထဲ ဂီတတို့ အံကျနေတဲ့ နတ်စောင်းတစ်လက်
အမြဲစဉ်းချက်မှန်သော သင်းကွဲငှက်တစ်ကောင်၏ ရင်ကွဲသံအက်အက်...


သူရင်ဘတ်မှာ
အက်ဆစ်တိုရွာသွန်းနေတဲ့ လွမ်းခြင်းတစ်ခုနှင့်
နှလုံးသားက စကားလုံးတို့စွင့်ကားတဲ့ ပန်းတစ်ခင်း
အတောင်တစ်စုံ မနားတမ်း ရိုက်ခတ်ခံနေရသည့်
ဒဏ်ရာသင်္ချိူင်းပျက်တစ်ခု၊
နာရီတို့မေ့လျှောနေသော စည်းချက်မမှန်တော့သည့်
ရင်ခုန်သံအနွမ်း ခုန်သံများဖြင့် …



သူနာမည်အား
သမိုင်း၌တည်ခင်းသော နောက်ဆုံးစာမျက်နှာအဖြစ်
မှတ်ကျောက် အက္ခရာထွင်းတဲ့ ခေတ်တစ်ခေတ်၏ သူရဲကောင်းဖြစ်စေတယ် …


သူကသူ၏ ရှုံးကို ကို စားသုံးသူ
သူနေ့ကို ဆင်းရဲခြင်းအတိဖြင့်စတေးသူ
ဘ၀ကို ရက်ရောစွာ သီချင်းကြားထဲ ပေးဆပ်သူ…
သူကသူ၏ ထွန်းညီုးလောင်းကျွမ်းခံ
သူကသူ၏ ကျေးကျွန်တစ်ယောက်
သူကသူ၏ သွေးစက်ကိုပျော်မွှေ့စုပ်ယူရာ အရီုးစု…

လူသားတို့ယစ်မှူးတဲ့ သူတေးသွားမှာ
ပဉ္စလက်နလုံးသားတို့ အင်းအားလောင်စာကုန်နွမ်းလည်း
မတူညီတဲ့အလျှော်အစားတစ်ခု မှန်း သူမသိခဲ့၊
နလုံးသားဖြင့်ရေးသော သီချင်းပေါင်းများစွာ သူဖန်ဆင်းပေးခဲ့တယ်။


သြဂုတ်လ၏ မိုးရေစက် တစ်ချို့
လောက၏ မျက်ရည် သစ်များစွာ
ဂါရ၀ ဦးညွတ်ခြင်းတို့
ခြွေယူသိမ်းပိုက်လျှက် `လွတ်မြောက်ခြင်းကောင်းကင်ဆီ´
စကားလုံးများ မရှိတော့သော တစ်နေ့
သူ လောကကိုစွန့်ခွာသွားခဲ့တယ်။



(ကိုငှက် အလွမ်းပြေ အမှတ်တရ ၊ ညဏ်စွမ်းသလောက် ဂုဏ်ပြုခြင်းဖြစ်ပါသည်)
မယ်မဒီ

အိမ်လွမ်းသူ

တဂွီဂွီ မြည်နေတဲ့ဗိုက်ကိုနှိပ်ရင် ကျမ အမေဈေးကပြန်လာတာကို စောင့်နေခဲ့တာ နာရီဝက်လောက်ကြာနေပြီ ။ ဒီနေ့မှအမေကလည်း အလာနောက်ကျနေခဲ့တယ်။ သိပ်ကိုအစာကျေလွယ်တဲ့ ကျမဗိုက်က ဘာဘဲစားစား နာရီဝက်မခံဘူး ထပ်စားချင်လာပြန်တယ်။ အမေလာရာလမ်းကို ကျမကြည့်ရင်း အိမ်မှာအဆင့်သင့် လုပ်စရာ များကို ကျမလုပ်နေမိတယ်။ ဒါမှ အမေရောက်တာနှင့် ကျမမြန်မြန်ချက်ပြုပ်စားသောက်ဖို့ ပိုမြန်လာမှာကို ။ အမေ့ ဈေးဆွဲခြင်းထဲကို ခြံအ၀ထိပြေးကြိုယူလာတဲ့ တခြမ်းပဲ့ဆွဲခြင်းထဲမှာတော့ ဘာမှသိပ်ကိုထူးထူးခြားခြား မပါလာ ခဲ့ပါဘူး။ ဈေးသိမ်းချိန်မို့ ဈေးလျှော့ရောင်းနေလို့ ၀ယ်လာပုံရတဲ့ ငါးခြောက်နည်းနည်း ၊ ချဉ်ပေါင်ရွက် ၂-စည်း ဒါဘဲ အမေ့ဆွဲခြင်းထဲ ပါလာတယ်။ အိုဘာပဲ ၀ယ်လာဝယ်လာ ချက်ရမယ့်တာဝန်က ကျမအလုပ်လေ လွယ် လွယ် နဲ မြန်မြန်ပြီးမယ် ဟင်းတွေဖြစ်နေလို ပိုတောင်အဆင်ပြေသေးတယ်။ ချည်ပေါင်ဟင်းရည်ကို ကြက် သွန်ဖြူလေး ၊ ငြုရှုတ်သီးစိမ်းလေးထည့်ပြီးတော့ မီးဖိုပေါ်တင်ထားလိုက် ငါးခြောက်ကလေးကို မီးဖို ခုံအောက် ကလေးထဲ နည်းနည်းချင်းစီထည့်ဖုတ် ပြီးရင် ဆီလေးဆမ်း ကြက်သွန်လေးနဲ့ သုတ်လိုက် ရင်ပြီး သွားပြီး ။ ကျမလက်ကိုမြန်မြန်ဆေး အမေ့ကိုလှမ်းခေါ်ရင်း ထမင်းဝိုင်းကို ပြင်ဆင်တယ် ။ ဘယ်သူလာလာမလာလာ ကျမကတော့ ထမင်းဝိုင်းမှာ ထိုင်ပြီးစားဖို့စောင့်နေပြီ ။ ကျမချက်တာကို မကြိုက်သူက ပြောချင်သလိုပြော ကျမမျက်လုံးက ထမင်းပန်းကန်ပေါ်မှာ တစိုက်မတ်မတ် အာရုံထားရင် ကျမထမင်းကို စားနိုင်သလောက် စားနေတယ်။ ကျမဗိုက်အကြောင်းကို ကျမအသိဆုံးလေ ၊ တော်ကြာဆာနေမှာစိုးလို ဘာမှစား စရာမရှိတော့ ကျမ မနေနိုင်ဘူးရှင့်။ ကျမအစ်ကိုကတော့ မျက်စီမွှေးစူးနေတာ တော်တော်ကြာနေပြီး အစာသိပ်မကျေကြောင်း ကျမကို တွေ့တိုင်း မကြားတကြားပြောနေပေမယ့် ထမင်းစားနေချိန် ပြောလာရင် နှုင်းနေမှာစိုးလို့ သူကိုလုံးဝမကြည့်ဘဲ ကျမငါးခြောက်ဖုတ်ကို အငမ်းမရ နှိုက်စား နေချင်ယောင်ဆောင် နေ ရသေးတယ်။ ဒီအိမ်မှာ ဘာအလုပ်မှ မရှိဘဲ ထိုင်စားနေရသူ၏ ဒုက္ခက သိပ်တော့မသေးပါဘူးရှင့် ။ လူတိုင်းက လူပိုတစ်ယောက်ကို မြင်တဲ့အမြင်က အိမ်ဖော်ထက်ကို နိမ်ချချင်ကြသေးတာ ။ အိမ်ဖော်ကိုတော့ သူများ သားသမီးမို့ ထွက်ပြေးသွားမှာစိုးလို့ ချော့ခိုင်းကြသေးတာ ကျမကိုတော့ အိမ်လေးတယ်လိုမြင်နေ ကြပုံရတယ်။ ထမင်းစားပြီးတော့ ကျမပဲဆေးကြောရအုံးမယ်လေ။ ချက်လည်းကိုယ် ဆေးလည်းကိုယ် အမေကတော့ စားတာလည်းနင်အများဆုံးလို့ ပွင့်ပွင့်လင်းလင်းပြောပါတယ်။
အင်း စားသောက်ရတာလည်း မောတာပါဘဲလားနော်လို့ ကျမတွေးလိုက်မိတယ်။ ဘုရားစင်ကစွန့်တဲ့ ငှက်ပျောသီး အမှည့်တစ်လုံးကို ပါးစပ်ထဲသွင်းရင်း အိပ်စရာရှာနေမိတယ်။ လူကြားသူကြားထဲအိပ်ရင် သေနေပြီးလို့အပြောခံရမှာ သေချာသမို့ကျမ သင်းဖြူးဖျာအဟောင်းကလေးကို ဆွဲရင်း အိမ်အောက်ထပ်ကို ဆင်းလာတယ်။ လူတစ်ရပ်လောက်မမြင့်တဲ့ အိမ်အောက်ထပ်မှာ ကွပ်ပျစ်ကလေးတစ်ခုရှိတယ်ရှင့်။ ဒီနေရာက လေးက အိမ်ခေါင်းရင်း ပိတောက်ပင် အရိပ်ထဲဖြစ်နေလေတော့ ကျမအိပ်လို့သိပ်ကောင်းတယ်ရှင့် လေတစ်ဖြူးဖြူးတိုက်နေတော့ ကျမညနေစောင်းလောက်ကို မနည်းထယူရတယ်။ တစ်ခါတစ်လေ မျက်လုံးဖွင့် မရဘဲ အမေဆဲဆိုသံကို နားကကြားနေလို စိတ်မချမ်းသာစွာ အိပ်ရာကထရတဲ့ဘ၀လေ။ ညနေစောင်းမှာ ကျမ ရေခပ်ရအုံးမယ်။ အိမ်ရှင်းရမယ်။ ထပ်ပြီးချက်ပြုပ်ရအုံးမယ်။ ဒါတင်ဘယ်ကမလည်း ရေမိုးချိုးပြီးရင် ကျမ သူငယ်ချင်း တွေဆီ အလည်ခဏသွားဖို့အချိန်လေးကို လုပြီး ပြင်ဆင်ရသေးတယ်။ တလောကလုံး အကြောင်းကို ဖောက်သည်ချလေသမျှ ဗဟုသုတ အဖြစ်ကျမ နားထောင်ယူရမယ်လေ ခေတ်မီဆက်သွယ် ရေးတွေ ကျမတို့မြို့မှာ တစ်ခုမှ မရှိတော့ ပါးစပ်တွေနှင့် ဝေးဝေးနေလို့ရှိရင် ကျမ လူပိန်းတစ်ယောက်ဖြစ်မှာ သေချာတယ်လေ။ ဒီနေ့နောက်ဆုံးသတင်းကို မနက်ဖြန် သူတို့ပါးစပ်က ထပ်မပြောတော့ဘူးရှင့်။ မသိသူ ကျန်ခဲ့ဆိုတဲ့ သူတို့လေးတွေရဲ့ ခံယူချက်က ခိုင်မာလေတော့ ကျမ အိမ်မှာအပြောဆိုခံပြီး ဟိုတစ်ချိန် ကျောင်းပြီးစ အလုပ် လက် မဲ့ မိန်းကလေးဘ၀ ကျမတာဝန်ဆိုတာ မသိခင်အချိန် သွားသွား နေခဲ့ဖူးတယ်။ ကျမဘ၀မျှော်လင့်ချက်က ကျမဒီအိမ်ကနေ မြန်မြန် ထွက်သွားဖို့ နိုင်ငံရပ်ခြားမှာ အလုပ်အကိုင်တစ်ခု ကောင်းကောင်းမွန်မွန်ဖြင့် ကိုယ်ဘ၀ကိုယ်ခြေပေါ်ရပ်တည် နေနိုင်ဖို့ ဆိုတာက ကျမအိမ်မက်ဘဲ။ စားချင်တာကို အ၀စားပစ်လိုက်မယ် ။ နေချင်သလိုသလိုနေမယ်။ ကောင်းနိုင်သမျှ ကောင်းတဲ့အစားတွေကို တ၀တစ်ဗြဲစားဖြစ်လိုက်မယ် ကျမနေ့ရောက်ရင်လို့ထင်ခဲ့ဖူးတယ်။

ခုတော့ ဒီ ဖြူဖွေးသန့်စင်ပြီးသား ဆန်စည်းစည်းတွေကို အနံ့ နံ့သာတွေ အမျိုးမျိုးလိမ်းချယ်ထားတဲ့ စားပွဲပေါ်က ထမင်းလုံးတွေကို ကြည့်ရင်း ကျမ စားချင်စိတ်တွေပျောက်နေ မိတယ်။ စားစရာတွေကို တစ်ခုပြီး တစ်ခု အဖုံးတွေကို ဖွင့်ရင်း လိုက်လံရှာဖွေနေပါလျက် အမျိုးပေါင်းများစွာ တည်ခင်းထားသော ညစာစားပွဲ ဘူဖေးပါတီ တစ်ခုလုံး ကျမစားချင်စရာ တစ်ခုမှ မတွေ့ဘူးဖြစ်နေပါတယ်။ ဒီတစ်ခုလည်း ကြက်သား၊ နောက်တစ်ခုလည်း ကြက်သားပဲ ထပ်ပြီးနောက်တစ်ခု လည်း ကြက်သာ၊ငါး၊ ပုဇွန်၊ အမဲသား၊ ဆိတ်သား၊ အသီးအရွက် တစ်မျိုးမျိုး ကို နည်းမျိုးစုံချက်ထားပေမယ့် ဘာမှာထူးခြားမလာတဲ့ အစားလို့ ကျမထင်မိတယ်။ ပုံစံ အနံ့ သာကွဲမယ် လူတွေ ဒီထက်ပိုပြီး စားသောက်စရာ ထပ်မလုပ်နိုင်တော့ဘူးလားလို့ ကျမမေးခွန်းတွေ မေးနေမိတာကြာလှပြီ ။ တစ်ချိန်တုံးက စားသောက်ဖို့မေ့နေတဲ့ အမေကို နားမလည်းတတ်ခဲ့ပါဘူး။ အမေမို့လို့ စားရမှာကိုမေ့တယ် ။ ထူးဆန်းလိုက်တာလို့ တွေခဲ့ဖူးတာကို ကျမ ပြန်တွေးမိလာတယ်။ ကောင်းနိုင်သမျှကောင်း အောင်းလုပ်ထား လွန်းလို့လားမသိဘူး ကျမအရသာ ရှာမတွေဘူးဖြစ်နေမိတယ်။ နည်းနည်းလေးစားလိုက်တာနှင့် ဘယ်လိုမှထပ် မစား နိုင်တော့တဲ့ ဟောဒီထမင်းဝိုင်းထက် ကျမတစ်ချိန်တုန်းက ထမင်းကျန် ဟင်းကျန်လေးကို ညဘက် တစ်ရေး နိုးထစားရတဲ့ အရသာလောက်မကောင်းဘူးဆိုရင် စားဖိုမှုးတစ်ယောက် ကိုယ်ကိုကိုယ်ကြိုးဆွဲချ သေလိမ့်မယ့်လို့ကျမတွေးလိုက်မိသေးတယ်။ ၀လာမှာစိုးလို ဘာအအေးမှ မသောက်ရဲတဲ့အဖြစ်ထက် တစ်ယောက်တစ်ငုံစီ ဝေမျှသောက်ခဲ့တဲ့ အအေးဗူးလေးကို လွမ်းလိုက်တာ၊ မအားရတဲ့ အထဲ တစ်ကူးတစ်က လေ့ကျင့်ခန်းလုပ်ရတဲ့ ဒုက္ခထက် ရေခပ်၊အ၀တ်လျှော်ရင်း ကျန်းမာနေတဲ့ တစ်ချိန်က ခံနိုင်ရည်တွေ ခုတော့ တစ်ချိန်လုံးထွက်နေရတဲ့ ဒေါသတွေကြောင့် ပျောက်ချင်းမလှ ပျောက်ကုန်ပါပြီ ၊ အမလေး တစ်ချက်ကလေး တောင် မနားလိုက်ရဘူး နေ့တစ်နေ့ဘယ်လို ကုန်လို့ကုန်သွားမှန်းမသိလိုက်ဘူးလို့ ခဏခဏ ညည်းနေ တတ်တဲ့ အမေက တစ်နေကုန် တစ်နေခန်း လေးအေးပေးစက် ခန်းထဲ အသက်ရူကျပ်နေကြတဲ့ လူတစ်ချိုထက် ကျန်းမာရေးကောင်းနေတာကို ကျေးဇူး တင်မိလိုက်ပါတယ်။ save your environment ဆိုတဲ့စကားလုံးတွေကို အမြဲကြားနေရတဲ့ ပတ်ဝန်းကျင်မှာ personal hygienic ဆိုတဲ့ စကားတစ်ခွန်းဖြင့် သုံးလိုက်ကြတဲ့ ပလက် စတိတ် တွေ သံဗူးတွေ မလိုအပ်ဘဲ စက္ကူတွေ သုံးလိုက် ကြတာ။ ကျမတော့ ဖက်ရွက်နံသင်းသင်းလေးဖြင့် ပူနွေးနေတဲ့ မုန့်ဖက်ထုပ်ကို လွမ်းနေ တယ်။ လပ်လပ်ဆပ် ဆပ် သစ်သီးတွေပေါ်ကို နိုးစိမ်းတွေလောင်း ဒိန်းခဲ့ တွေ တင်၊ သကြားရည်တွေ ထပ်ဖြည့်၊ ထောပတ်တွေဖြင့် အီဆိမ့်နေတဲ့ အစားအစာတွေ ထက်စာရင်တော့ ဆီးသီး အစိမ်းလေးတွေ တွေရာက ခူးဆွတ် ခိုးစားခဲ့တဲ့ ပတ်ဝန်းက လူတွေ လန်းဆန်းနေတာ အဆီပိတ် အ၀လွန်းဖြစ် မနေကြတာ ကို သတိရနေ လိုက်သေးတယ်။ ပေါ့ပါး လွတ်လပ်စွာ မြေတလှူးလှူး ပယ်ကျံနေသော ညနေ စောင်းမှာ လျှောက်ခဲ့ဖူးတဲ့ လမ်းကလေးပေါ် မိုးရနံတို့ မြေသင်းတဲ့ ကိုယ်အရပ် ကလေးဆီကို ကျမတစ်ည လောက် ပြန်လာခွင့် ဒီနေ့ဒီအချိန်မှာ ဆုတောင်းကလေး ပြည့်နိုင်ခဲ့မယ်ဆိုရင်လေ…

မယ်မဒီ

Saturday, August 16, 2008

Ramadam or ramazem

ခုဆိုရင်တော့ ဒီနိုင်ငံအပူချိန်တွေတဖြည်းဖြည်း ကျဆင်းလာသလို ဇွန်ပလောင်သီးတွေလည်း ရင့်မှည့်ချိုအိနေကြပါပြီ ။ သူနေရာနှင့်သူတော့ သဘာဝတရား အဆင်ပြေတာကို ဖန်ဆင်းပေးထားတာကိုတွေရပါတယ်။ သိပ်ပူတဲ့ဒေသမှာ သိပ်ကိုချိုအိပြီးအရည်ရွှန်းသော အသီးတစ်မျိုးကို သဘာဝအတိုင်းအလွယ်တစ်ကူ ခူးဆွတ်လိုရတဲ့ အပင်က ဇွန်ပလောင်ပင် ဘဲဖြစ်ပါတယ်။ တစ်နေကုန်တစ်နေခန်းအစားမစားဘဲ ဥပုသ် စောင့်နေကြတဲ့လူတွေအတွက် ဇွန်ပလောင်းသီးဟာ ဆေးဖက်ဝင်တဲ့အသီးဖြစ်စေပါတယ်။ ရေဆာပြေတယ် အစာကျေလွယ်တယ် စားချင်စိတ် ကိုဖြစ်ပေါ်စေတယ်လို ဒေသခံတွေက ယေဘုယဆိုကြပါတယ်။



နောက်လဆိုရင် စက်တင်ဘာလဖြစ်လေတော့ ဒီနိုင်ငံဓလေ့ဟာလည်း တစ်မျိုးတစ်ဖုံပြောင်းလဲ သွားပါတော့မယ် ။ ရာမသန် ဥပုသ်လဆိုတာဒီနိုင်ငံအတွက်တော့သိပ်ကို အလေးထားတဲ့လတစ်လဖြစ်ပါတယ်။ နေရာတိုင်း နေရာတိုင်းမှာ ရိုးရာအ၀တ်ပိတ် တဲအိမ်လေးတွေကို ဆောက်လုပ်ကာ ဒေသခံများတွေဆုံးအနားယူတဲ့ အခါသမယ လည်းဖြစ်ပါတယ်။ ဟိုတယ်လိုနေရာတွေမှာ သီသန်းနေရာများ၌ အာရပ်အိမ်လေးတွေကို lobby မှာ တစ်ကူးတစ်က ဆောက်ပေးထားတာကို အံသြစွာမြင်တွေဖူးပါတယ်။ တစ်ခါတစ်လေမေ့လျော့ နေတတ်ကြတဲ့ မြန်မာနိုင်ငံဥပုသ်လနှင့်တော့ နည်းနည်းကွာပါတယ်။ ဒီလတစ်လလုံး ရုံးချိန်အလုပ်ချိန် အားလုံးပြောင်းလှဲသွားသလို ဆိုင်တွေဖွင့်ချိန်ဟာလည်းပြောင်း သွားပါတယ်။ မူဆလင်ဘာသာဝင်မဟုတ်တဲ့ လူအားလုံး ကိုယ်အိမ်ခန်းထဲ ကိုယ်စားချင်တာကို ကြိုက်သလိုစားလို့ရပေမယ့် အပြင်မှာတော့ ရေတောင်သောက်ခွင့်မရှိပါဘူး။ ကျမသူငယ်ချင်းဆို မုန်းသွားဝယ်တုံး စပျစ်သီးတွေ မေ့ပြီး တစ်လုံးပြီးတစ်လုံးကောက်စားမိဖူးပါတယ်။ သူသတိရချိန်မှာ ကင်မရာတွေကို သူကြောက်လို တန်းပြေးလာဖူးပါတယ်။ စားသောက်ဆိုင်တွေက ည ၆နာရီမတိုင်းခင်လေးမှာစဖွင့်ပြီး အားလုံးက အဆင့်သင့်ပြင်ဆင်ခင်းကျင်းပြီးသားဖြစ်နေကြပါတယ် ။ အဲဒီအချိန်မှာ ဥပုသ်ဖြေမယ့်လူအားလုံးလည်း ဆိုင်ထဲမှာနေရာယူမှာထားပြီးသာ အဆင့်သင့်ဖြစ်နေကြပါပြီး ခရီးသွားဟန်လွဲ နီးစပ်ရာဆိုင်ကို ၀င်ပြေးရတဲ့လူတွေလည်းရှိပါတယ်။ သူတို့အားလုံး ဘလီက ဘုရားရှိခိုးသံကိုစောင့်နေကြပါတယ်။ တရားစခန်းဝင်တုံး ဘုန်းကြီးကျောင်းမှာ ဆွမ်းစားချိန်လူတွေတိုးဝှေ့နေတာနဲ သိပ်ကိုမထူးခြားလေးတော့ ဘယ်ဘာသာဘဲ ဖြစ်နေဖြစ်နေ လူဆိုတာ လူပါဘဲလို ကျမသံဝေဂ ရမိပါတယ်။ ဟိုတယ်လိုနေရာတွေမှာတော့ ၀န်ထမ်းတွေကို ရာမသန်အချိန်မှာ ဘာသာအလိုက်ခွဲတမ်းချကျွေးမွေးတာကို ကြားမိပါတယ် ။ ရာမသန်အချိန်ဆိုရင် မူဆလင်မဟုတ်တဲ့လူတွေကို ညစာ စောစော ကျွေးပါတယ်။ ဥပုသ်ဖြေချိန်ညနေစောင်းမှာတော့ ထမင်းစားဆောင်တွေကို မူဆလင်ဘာသာဝင်တွေအတွက် သီးသန့် ကျွေးမွေးရပါတယ် ။ ကျမတို့ဆိုင်ဖွင့်ချိန်ကတော့ မနက်ကိုးနာရီ ကနေ နေ့လည်တစ်နာရီ ၊ ညနေ ရှစ်နာရီကနေ သန်းခေါင် နှစ်နာရီအထိ ဖွင့်ပါတယ်။ လူတိုင်းတစ်နေ့ကို အလုပ်ချိန် ၆နာရီသာလုပ်ခွင့်ရှိပါတယ်။ အချိန်ပိုလုပ်တဲ့လူတိုင်း အချိန်ပိုကြေး ပေးရတယ်။ လူတွေလက်ထဲ ငွေသီးတဲ့လတစ်လပေါ့ရှင် ။ ၀န်ထမ်းတွေ လာစာကောင်းတဲ့လတစ်လပေါ့ ။


ကျမဆိုရင် ည၂ နာရီအလုပ်က ပြန်လာမှ ညစာကို စားရပါတယ် ။ ပြီးတော့ မနက်လေးနာရီ တစ်ခါတစ်လေ ၅ နာရီလောက်မှ အိပ်နိုင်တာဆိုတော့ နောက်တစ်နေ့ နေ့လယ် ၃ နာရီလောက်မှ ပြန်ထနိုင် ပါတယ်။ ကျမလည်း မနက်စာကို ညနေလောက်မှ သူတို့တွေစားသလို စားဖြစ်တာဆိုတော့ သူဟာနဲသူတော့ ဟုတ်နေတာပါဘဲ ။ မူဆလင်ဘာသာဝင်တွေကတော့ ဘုရားရှိခိုးရန် ထရသေးတယ်။ ဒါပေမယ့် သူတို့လည်း သွာလာကြစားကြသောက်ကြ မိုးလင်းတာနဲ သူတို့လည်း စအိပ်ပါတော့တယ်။ နေလည်ဘက်မှာဈေးဆိုင်တွေတော့ ဖွင့်ပါတယ်။ လိုချင်တာကိုဝယ်လို့ရပေမယ့် အပြင်မှာတော့ စားလို့မရပါဘူး ။ အမျိုးသမီးများ အ၀တ်အစားကို ဟိုပေါ်ဒီပေါ် သိပ်ဝတ်ခွင့်မရှိတဲ့လတစ်လဖြစ်သလို၊ မိတ်ကပ် သိပ်ရောင်စုံ ပြင်းပြင်းတွေပြင်ရင် လူပြောခံရတဲ့ ဘာသာရေးလွမ်းမိုးထားတဲ့လ လည်းဖြစ်ပါတယ် ။ ဥပုသ်စောင့်နေတဲ့ လူတွေ ၏စိတ်ကို အ၀တ်အစားကြောင့် ညစ်ညမ်းသွားစေနိုင်တဲ့စိတ်ကို ကာကွယ်တဲ့သဘောလေးက ကောင်းကွက်တစ်ခုပါဘဲ။ ကလေးသူငယ်လေးတွေတောင်မကျန် ဥပုသ်စောင့်တတ်ကြပါတယ်။ အရွယ်ရောက်သူတိုင်းကိုလည်းမိဘတွေက တိုက်တွန်း တတ် ကြပါတယ်။ ညစာလေးတစ်နပ်လောက်ကို မစားရရင် သေမတတ်အဖြစ်သည်းနေတဲ့ လူတစ်ချို့ထက်တော့တစ်လလုံးလုံးတစ်နေကုန် မစားသောက်ဘဲ နေထိုင်ရင် မိမိစိတ်ကို ထိန်းသိမ်းပြနိုင်တာလေးက လေးစားစရာပါဘဲ။ ဒါပေမယ့် လူတစ်ချိုတော့ရှိတယ်ရှင့် လူရှေ့မှာတော့ မစားမသောက်ချင်ယောင် ဆောင်ပြီး နောက်ကွယ်ကျရင် အရက်တောင်သောက်တယ် ကျန်တာကို ထားလိုက်တော့ အကုန်လုပ်ကြသူတွေလည်းရှိပါတယ်။ ဒီလိုလူမျိုးကတော့ နိုင်ငံတိုင်းဘာသာတိုင်းမှာ ဆန်ဖြူထဲက အမဲစက်လိုဘဲ အမြဲတမ်းအဖျက် ဆောင်နေတဲ့လူတွေရှိနေတာကို ကျမဘာမထည့်ပြောစရာမလိုဘူး ထင်ပါတယ်။ ကျမရေးလိုက်တဲ့အဓီကရည်ရွှယ်ချက်ကလည်း ကျမတိုမသိတဲ့ ဘာသာတစ်ခု၏အကြောင်း နှင့် သူတို၏ဓလေ့အထကို ကျမအမြင်လေးတွေ ကိုရေးပြတာပါ။

ဒီနိုင်ငံမှာ လူမျိုးခြားမြောက်မြားစွာနေထိုင်ပါတယ်။ အနောက်နိုင်ငံသားများစွာနှင့် အာဖရီကန် လူမျိုးများစွာ အထူးသဖြင့် အိန္ဒိယလူမျိုး ၊ ပါကစ္စတန်လူမျိုး၊ ဖီလစ်ပိုင်လူမျိုး ဟာဒီနိုင်ငံ၏ သုံးပုံနှစ်ပုံခန့် နေထိုင်တဲ့တိုင်းပြည်ဖြစ် သလို တခြားသောလူမျိုးမြောက်မြားစွာကို တွေရတဲ့နိုင်ငံဖြစ်ပါတယ်။ ဟိုတယ်bar နှင့် disco club တွေကတော့ဥပုသ်လမှာ ဖွင့်မြဲပါပဲ။ သီချင်းသံဆူညံတာမျိုးကို တားဖြစ်ထားရုံကလွဲလလို နိုင်ငံတကာအဆင့်အတန်းကို ဘာသာရေးနှင့် ရောယှက် မထားတာကို သဘောကျမိပါတယ်။ အယူသီးတဲ့လူတစ်ချို့ကတော့ ပိုက်ဆံမက်တဲ့အစိုးရလို ပြောဆိုစွပ်စွဲတတ်ပေမယ့် ကျမတို့လို နိုင်ငံခြားသာအတွက်တော့ ဒီလိုလုပ်တာကို နှစ်သက်ပါတယ်။ အလုပ်မှာတော့ မူဆလင်တွေကို လေးစားသမှုအနေဖြင့် အစား အသောက် တွေကို သူတို့တွေရှေ့မှာ သိပ်မစားကြပါဘူး။ တစ်ချို့ကလည်း သဘောကြီးပါတယ် စားပါလိုပြောတတ်ကြပါတယ်။ တစ်ချို့ကတော့ နည်းနည်းမကြိုက်တတ်ပါဘူး။ သို့ပေမယ့် ဒီလမှာတော့ ဘယ်ဘာသာဝင်ကိုဘဲဖြစ်ဖြစ် ဒီနိုင်ငံသားတွေက သူတို့၏ ဥပုသ်လဆုတောင်းဖြင့် နှုတ်ဆက်တတ်ကြပါတယ်။ ကျမတို့ကပြန်နှုတ်မဆက်တတ်ရင်လည်းဆုတောင်းလေးတောင် မပြောပါလားလို့ ဆိုတတ်ကြပါတယ်။


ဒီနိုင်ငံဥပုသ်လဟာ တစ်နှစ်လုံးထဲက ဈေးဝယ်အကောင်းဆုံးအချိန်လည်း ဖြစ်သလို ဈေးရောင်း အကောင်းဆုံးအချိန်လည်း ဖြစ်ပြန်ပါတယ်။ electrionics ပစ္စည်းတွေကို တစ်နှစ်ပတ်လုံးမှာ ဈေးအချိုဆုံးအဖြစ် ရနိုင်တဲ့အချိန်လိုဆိုရပါမယ်။ ၂၀၀၉ ပစ္စည်းအသစ်တွေထွက်တော့မှာမို့ လက်ကျန်ပစ္စည်းတွေကို အကုန်ထုပ်ရောင်းတဲ့ အခါလည်းဖြစ်ပါတယ်။ မိသားစု မိသားစုဝင်တိုင်းဟာ သူတို့၏မိတ်ဆွေ၊ သားသမီးများ၊ဆွေမျိုးများအားလုံးကို လက်ဆောင် ၀ယ်ပေးတဲ့ လတစ်လဖြစ်တာမို့ ကျမတို့ဆိုင်ဆိုရင် ကလေးအ၀တ်အထည်များကို ပိုမိုနေရာပေးဈေးကွက်တင်တဲ့ လတစ်လ ဖြစ်ပါတယ်။ အရောင်တစ်လက်လက်တောင်ပြောင်နေတဲ့ အ၀တ်ကောင်းအစားတွေ သိပ်ကိုအရောင်းသွပ်တဲ့ လဖြစ်ပါတယ် ။ ဥပုသ်လပြီးသွားရင်တော့ သီတွင်းကျွတ်ပွဲတော်လို ပျော်ပွဲရွှင်ပွဲတွေရှိတာမို့ မြို့ ဟာစည်းကားလို့ နေပါတယ်။

မိမိကိုယ်ကိုကိုယ် သည်းခံတတ်တဲ့ အကျင့်တစ်ခုကို ကျမအတွက်တော့ ဒီဥပုသ်က ပေးလိုက်တဲ့ အသိစိတ်တစ်ခုလို့ဆိုချင်ပါတယ်။ တစ်ချိန်တုံးကလို ကျမဘယ်လောက်ဘဲ ဗိုက်ဆာဆာ အလုပ်ဆက် မလုပ်နိုင် တော့အောင် သွေးမဆိုးတော့ပါဘူး ။ လူတစ်ချို့က တစ်နေကုန်တစ်နေခမ်း ဘာမှမစားဘဲ နေနေချိန်မှာ`` နင်ကဘာဖြစ်နေတာလည်း စားတာမှ သိပ်မကြာသေးဘူး နောက်သိပ်မကြာခင်စားအုံးမှာ ခုခဏလေးကို ဖြစ်ပျက်နေလိုက်တာဆိုတဲ့ ´´ ဆုံးမစိတ်ကလေးနဲ့ ကျမလုပ်စရာရှိတာကို ဆက်လုပ်နိုင်တဲ့ စိတ်ကလေးတစ်ခုဟာ သူတို့ဆီက စိတ်ဖြေသိမ့်တတ်မှုကလေး တစ်ခု ကျမအတွက်ရလိုက်တယ် စာဖတ်သူအားလုံး အတွက်ကိုလည်း ရည်စူးလျှက် …

မယ်မဒီ

မဖြစ်နိုင်သောစကားလုံးမျှားရှိရာ

ဘ၀ဆိုသည့် လှေတစ်စင်း
ငါ့ရှေ့မှောက် ဆိုက်ဆိုက်မြိုက်မြိုက်ကမ်းကပ်လာချိန်

ငါ့ မသေချာသော ကတိစကားတစ်ခွန်းနှင့်
မရေရာနိုင်သည့် မျှော်လင့်ချက်တစ်ထုပ်ကို
လှေပေါ်တင် ၍ ခရီးလွှင့်ခဲ့သည်…

ငါ့ရှေ့မှာ ကမ်းမမြင်အောင် “မဖြစ်နိုင်ဘူးဆိုသည့်”
စကားလုံးတို့ ပြည့်နက်လိုနေတယ်။
ငါ့နောက်ကျောမှာ တစ်သီတစ်တန်း ကျယ်ဝန်းလှသည့်
“သောကနှင့် မောပန်းခြင်း၏တောင်စွယ်များ ”အပြိုင်အရိုင်း ကာရံလိုနေပြန်တယ်။

တစ်ကယ်တော့ ငါက နုံချာချာ မိသားစုက မွေးလာတဲ့
ဆင်းရဲသားတစ်ယောက်၏ မျိုးဆက်သစ် သူ ဆင်းရဲမတစ်ယောက်
ဘ၀က အားမနားစွာ ချီးမြင့်လိုက်သည့်
တစ်သက်တာ အတောင်ကျိုးနေသော အဖမဲ့ ဇင်ရော်တစ်ကောင်းအဖြစ်
ခေါင်းမာတတ်ခြင်းနှင့် အာခံခြင်း ၊ သနားတတ်ခြင်းနှင့် အပျင်းကြီးလွန်းခြင်းက
ငါဆိုသည့် ၀န်းခံခြင်း သင်င်္ကေတတစ်ခု ကို
ငါလည်ပင်၌ ငါကိုယ်တိုင်ဆွဲထားသေးသည်…


ငါပိုင်ဆိုင်သမျှ ချစ်သူက ပေးလိုက်တဲ့ မဆိုစလောက်
အစုတ်အပြတ် ချစ်ခြင်းတစ်ခြမ်းတစ်ရွှဲ့
မနိုင်မစွမ်းသည့် မုဆိုးမ မိခင်ထံမှ ခမ်းနွမ်းနွမ်း မေတ္တာလေးသာ…

ငါလွင့်လာတဲ့ လှေပေါ်က ရွှက်တိုင်မှာ ဖြူဖွဲဖွဲသစ်လွင်လွင်
တလူးလူးလွင့်နေတဲ့ ငါမာန ၊ တဖြည်းဖြည်းခရီးနှင်းနေသော
စိတ်တို့က ဆိပ်ကမ်းတစ်ခု ပြီး နောက်ဆိပ်ကမ်းတစ်ခုဆီသို့
အဆုံးမသတ် ခရီးလွှင့်ပျော်နေသော
ငါဟာ ဇင်ယော် တစ်ကောင်အဖြစ်…

နိုင်ငံပေါင်းများစွာ မနက်ဖြန်ပေါင်းများစွာ
“မဖြစ်နိုင်ဘူးဆိုသော စကားလုံးများရှိရာထိ
ငါ ခရီးဆက်အုံးမည်။