ဘာအကြောင်းလေးများ ဒီအပတ်အတွက် ရေးပေးရမလည်းဆိုပြီး ခေါင်းစဉ်တွေ အများကြီး တွေးမိခဲ့ပေမယ့် စိတ်တိုင်းမကျခဲပါဘူး။ ကိုယ်တိုင်စိတ်ဘ၀င်မကျတဲ့ အကြောင်းအရာတွေကို ဆက်ရေးဖို့မတွေးဘဲ စေတနာဆိုတဲ့ ရင်ဘတ်ထဲကလာတဲ့ ခံစားမှုလေးကို ရင်းပြီး လက်ရှိဒူဘိုင်း ရောက် မြန်မာများ၏ လူကျင့်ဝတ် လူအသိုင်းအကြောင်းလေးကို ရေးဖို ဆုံးဖြတ်ခဲ့ပါတယ်….
အဝေးရောက်မြန်မာများ တစ်ရပ်တခြားမှာ ဘယ်လိုနေထိုင်ရှင်သန်နေရတယ်။ ဘယ်လိုအဖြစ်ပျက်ကလေးတွေ ရင်ဆိုင်ခါးစီးခံနေရတယ်၊ ဘယ်လိုမျိုး အဖြစ်ပျက်ကလေးများ အမှတ်မထင် မလွဲသားဘဲ ကြုံတွေ့နေရတတ်တာလေးတွေကို သိစေချင်ပါတယ်….
မြန်မာပြည်က မိသားစုဝင်ထဲက တစ်ယောက်ယောက် တစ်တိုင်းတစ်ပြည်ကိုရောက်သွားထွက် သွားကြပြီးဆိုရင် မြန်မာပြည်က မိသားစုတွေ ၀မ်းသာဂုဏ်ယူတတ်ကြပါတယ်။ ဟုတ်တာပေါ့ရှင် ကိုယ်ပြည်ထက်သာမယ် ၀င်ငွေတွေပိုကောင်းမယ် အသိညဏ်ဗဟုသုတတွေ ပိုတိုးတက်လာမယ်ဆိုတာသေချာပါတယ်။ နိုင်ငံတကာ နှင့် ထိတွေ့ဆက်ဆံရမယ်၊ လူအခွင့်အရေးဆိုတာကို ကျမတိုမျက်မြင်ကိုယ်တွေ့ ခံစားလာရတာကို သိပ်ကိုကောင်းတာပေါ့။ မိသားစုကိုလည်းထောက်ပံ့ကျေးဇူးဆပ်ရသလို ကိုယ်ဘ၀ရပ်တည်မှုဟာလည်း ပိုပြိးခိုင်ခံ့လာတယ် ။ ကိုယ်ကိုကိုယ်လည်း ပိုပြီး ယုံကြည်မှုတွေတိုးတက်လာတယ်။ ပြောရဲဆိုရဲ ရှိလာတယ်ဆိုတာတွေကတော့ ဟုတ်တာပေါ့ရှင်။ ဒါပေမယ့် အဲဒီရဲ တစ်ဖက်မှာ တစ်ချိန်က ကျမတိုမသိခဲ့တဲ့ ကြောက်စရာကောင်တဲ့ အခြေနေတွေဆိုးကြီးတွေကို ရင်ဆိုင်နေခဲ့ကြပါတယ်။ ဖြစ်ပျက်နေကြတယ်ရှင်။ ဒါတွေအားလုံး ကျမ နိုင်ငံခြားကိုရောက်ပြီး ကိုယ်တွေ့ကြုံမှ ယုံကြည့်ခဲ့တဲ့ အဖြစ်ပျက်ကလေးတွေပါ။
အထူးသဖြင့် မြန်မာပြည်က မိသားစုဝင်တွေ ဘယ်လိုမှ တွေးပြီး ကိုယ်ချင်းဆာနာ နာလည်းပေးနိုင်မှာ မဟုတ်တဲ့ အကြောင်းအရာလေးတွေပေါ့ရှင်… တစ်ချိန်က ကျမတိုတွေ ကိုယ့်မိကိုယ်ဖ ကိုယ့်အိမ်ကိုယ့်ယာထဲမှာ နေချင်သလို့ နေခဲ့ကြတယ်။ စားချင်သလို စားပြီး နေ ချင်သလို ထင်တိုင်းကျဲနေခဲ့ကြတယ်ရှင်။ လူအဆင့်အတန်းတွေ လူ့ကျင့်ဝတ်တွေဆိုတာ မိဘတွေနဲ့ပဲ ဆိုင်တယ်လို ကျမတို့ တွေးခဲ့ကြတယ်လေ။ မိဘပြောသမျှ နားပူတယ်လို့ နောက်ကွယ်မှာပြောကြတယ်။
နားမပူတဲ့နေရာကို ရောက်ပြီးဆိုတော့လည်း မိဘတွေကွယ်ရာ မှာ ကျမတို့တွေ့ ထင်ရာစိုင်းကြတော့တာပါဘဲ။
တချို့မိဘတွေကို့ယ်၌ သားသမီးတွေကို အလိုလိုက် အကြိုက်ဆောင်ပြီး ထင်သလို ထားတတ်ကြတယ်။ လူနေမှုအဆင့်အတန်း စည်းမျည်းစည်းကမ်းတွေ ကိုယ်ကျင့်သိက္ခာဘောင်တွေကို သားသမီးတွေ တတ်သိနားလည်းအောင် သင်ကြားဖို့ အချိန်စောနေတယ်လို မြန်မာမိဘတွေက တွေးမှတ်ထားတတ်ကြပါတယ်။ တစ်နယ်တစ်ရပ်က လည်းရောက်ရော ပြသာနာသောင်းခြောက်ထောင်ကို အချိန်မဆိုင်းဘဲ ရင်ဆိုင်ရကြတော့တာပါဘဲ ။
ကျမတို့တိုင်းပြည်နှင့် လူမျိုးက တစ်သီးပုဒ်ကလနေထိုင်လာခဲ့တဲ့ လူတွေဆိုတော့ အစားအသောက် နေထိုင်ပုံ စရိုက်တော်တော်များက အားလုံးမှာတူညီကြပါတယ်။ အထူးသဖြင့် ဒေသအလိုက် အရပ်အလိုက်အစားအသောက် နေထိုင်ပြုမှုပုံချင်း တူညီတောလည်း ဒီပုတ်ထဲက ဒီပဲပေါ့ရှင်။ မြန်မာဆိုရင် ဘာဖြစ်တယ်ဆိုပြီးကောက်ချဆွဲလိုက်ကြတာ ခံကြရတယ် ။ တကယ်တော့လည်းဟုတ်တယ် ငြင်းလို့မှမရတာလေ။
ဒီမှာကျမတို့ လူမျိုးပေါင်းစုံနှင့် တွေ့ဆုံရတဲ့အချိန်မှာ အားနည်းချက်တွေ အများကြီး ကို ကြုံတွေ့ကြရတယ်။ ဘယ်သူမှ အရမ်းကို ချမ်းသာတဲ့အသိုင်းအ၀န်းထဲက ရောက်လာကြတာမဟုတ်တော့လည်း မသိကြဘူးပေါ့ရှင်။ ကျမဆိုရင် မြန်မာပြည်မှာ အရမ်းကို ခေတ်မှီတဲ့ မီးဖိုချောင်၊ အ၀တ်လျော်စက်တွေ နှင့် နေလာခဲ့တာမဟုတ်ဘူး ။ ဒီကို ရောက်စတုံးက သူများတွေကြားထဲမှာ တော်တော်လေးကို သတိထားပြီးနေထိုင်ရတယ်။ ဒါတောင် ပြောချင်တဲ့လူတွေကမျက်လုံးတောက်ထောက်ပြီး ကြည့်နေကြတာ။ အမွှေးတိုင်ဆိုတာ မြန်မာပြည်မှာတုံးက ဘုရားပူဇော်တဲ့ သီးသန့် အရာအဖြစ်သာ သတ်မှတ်ထားခဲ့တာ တခြားဘယ်လို သုံးရမှန်း ကျမတကယ်ကို မသိခဲ့ပါဘူး။ ဒီကိုရောက်မှ ဟင်းချက်တဲ့အခါ အနံ့အသက်တွေ အပြင်ကို မကူးအောင် ထွန်းကြမှန် အံ့သြစွာကြုံတွေဖူးရပါတော့တယ်။ လူမျိုးခြားတိုင်းအစားသောက် အနံ့အသက်တွေက လူတစ်ဖက်သားကို ဒုက္ခပေးမှန်း ကျမတိုမြန်မာတွေ မသိနိုင်ကြပါဘူး။
ဒါတင်ဘဲလားဆိုတော့ မဟုတ်ပါဘူး ။ ဖြစ်သလို နေထိုင်လာတဲ့အကျင့် အဆင်ပြေသလို နေထိုင်လာတဲ့အကျင့် ရောင့်ရဲစွာနေထိုင်လာကြတဲ့အဆင့်အတန်းတွေက မြန်မာလူမျိုးတိုအတွက်တော့ ဂုဏ်ယူစရာလို ထင်ထားခဲ့ကြပါတယ်။ ဒါပေမယ့် တိုင်းတပါးသားတွေ ကြားခဲ့ ကြုံသလိုနေထိုင်ကြတဲ့ ကျမတိုအပေါ်မှာ အဆင်တန်းမရှိဘူးလို့ တွေးထင်တတ်ကြပါတယ်။ ရှိတာလေးစုပြီး ဖြစ်သလို စုစားကြတာကို အဆင့်တန်းမရှိဘူးပေါ့နော် တချိန်က ကျမတို မြန်မာပြည်ထဲက လက်လုပ်လက်စား ကုလားများအပေါ် အထင်သေးခဲ့သမျှ ကိုယ်တိုပြန်ခံရတယ်လိုသာ ဖြေသာရုံပဲ ရှိပါတယ်။ မြန်မာမိန်းကလေးလူလွတ်တွေက တကိုယ်ရေ တကာယ တွေမိုအဆင်ပြေသလိုနေတယ်။ ယောင်္ကျားလူလွတ်တွေက အိမ်အလုပ်ကိစ္စဆိုတာ သူတိုအလုပ်မဟုတ်ဘူးဆိုတဲ့ စိတ်နှလုံးလေးသွင်း ထားကြတာကိုရှင်... တခြားလူမျိုးတွေကတော့ သူတို့နေတဲ့ ပတ်ဝန်းကျင်ကို သူတိုစိတ်အသိညဏ် အကျင့်တွေထက် ပိုပြီးတန်းဖိုးကြတယ်တော့ ရိုးသားမှုထက် သန့်ရှင်းမှုဟာ လူတန်းဖိုး လို ကျမ မဆိုလိုချင်ပါသော်လည်း ဒါမျိုးကြုံတွေ့နေရပါတယ်ရှင်...
အထူးသဖြင့် အဝေးရောက် မြန်မာမိန်းကလေးများအားလုံးအားမဆိုလိုပါ သိုသော် ကြားမြင် သိရသလောက် မြန်မာမ်ိန်းကလေးများ၏ ဂုဏ်သိက္ခာသည် အီန္ဒယမိန်းကလေးများကဲ့သို့ ဇကာတင်လောက်သည့် စံမျိုးလောက် မထိန်းသိမ်း ထားနိုင်သည့်တိုင် တခြားလူမျိုးများနှင့် တန်းတူ စည်းပျက်ဝါးပျက် အကျင့်ပျက်နေသော တန်းအထိ မကျဆင်းသင့်ကြောင့် တွေးထင်မိပါသည်။ မိရိုးအစဉ်ဆက်ကို ဖောက်ဖျက်ချင်သည်ဆိုပါအုံးတော့ မိဘတို၏ မျက်နာကိုတော့ ထောက်ထားဖို့ သင့်ပါတယ်။ မိဘကွယ်ရာမို့ လူမြင်ကွယ်ရာမှာ မြန်မာမလေးများ တခြားတခြားသော လူမျိုးများ၏ ရင်ခွင်ထဲမှာ ပျော်ရွှင်နေကြနေကြသည်ကို ၀မ်းနည်းမိတော့ အမှန်ပါဘဲ။ ထိုထက် ၀မ်းနည်းဖွယ်ကောင်းတာ တွေ တစ်ခုကတော့ မြန်မာအချင်းချင်း ကြောက်ရွံနေရခြင်း ဖြစ်ပါတယ်။
စောစီးစွာရောက်နေကြတဲ့ ကိုယ်ရွှေမြန်မာတွေက ကိုယ့်မြန်မာအချင်းအချင်း အပျော်ကြံ ကြတဲ့အဖြစ်က လွန်စွာအရုပ်ဆိုး အကျည်းတန်လှတယ်လို ထင်မြင်ယူဆမိပါတယ်။ ကြားလိုမှမကောင်း ကိုယ်လူမျိုးသားချင် တွေကို မောင်ဘွားတွေလို အားကို မရဘဲ ကြောက်ရွှံပုန်းရှောင်ရတယ်လို့ ၊ ဘယ်နှယ် ကူညီသလိုလို စေတနာထားသလိုလို လူမျိူးသားချင်းတွေမို့ မိတ်ဆွေဖွဲ့ချင်သလိုလိုဖြင့် အရောဝင် ကာ သိမ်းပိုက်ဖို့ နည်းလမ်းရှာနေတဲ့လူတွေက အနားဝန်းကျင်မှာ တွေ့ရပါတယ်။ မိန်းမနှင့် သားသမီးရှိပါလျက် လူပျိုလူလွတ်အသွင်ဆောင်ပြီး တပြည်ရောက်မြန်မာမိန်းကလေးများကို ဖျက်စီစော်ကား လုပ်ချင်တဲ့ ကိုယ်ရွှေမြန်မာတွေကိုလည်း အလွန်ပင် လေးစားမိပါတယ်ရှင်။
နိုင်ငံခြားမှာ တွေ့တဲ့မိန်းကလေးတွေ့မို့ ရည်စားစကားကို လွယ်လွယ်ပြော လွယ်လွယ်နှင့် ချစ်သါူဖြစ် အလွန်အကျွံ အဆင့်တွေရောက်ပြီးဆိုမှ မြန်မာပြည်ကို ပြန်ကာ ရည်းစားအဟောင်းကို ပြေးလက်ထပ်တဲ့ ရွှေတွေ့ရဲ့ စိတ်ဓါတ်ကိုလည်း မချီးကျူးဘဲ မနေနိုင်ပြန်ပါဘူးရှင်...အားလုံးကို မဆိုလိုပါဘူး ၊ ကိုယ်မောင်ဘွားလို ခင်မင်ကြတဲ့လူတွေကို မစော်ကားပါဘူး ဒါပေမယ့် မြန်မာမိန်းကလေးများ ရောက်တယ်ဆိုတဲ့သတင်းကို တစ်ယောက်တစ်ဆင့် လက်ဆင့်ကမ်း ဖုန်းနံပါတ်တွေ ပေးပြီး ဖုန်းလိုက်ဆက်၊ တစ်ယောက်နဲ့ အဆင်မပြေရင် နောက်တစ်ယောက်ကို ဆက်ခိုင်းပြီး အမျိုးချစ်ကြတဲ့ လူတွေကိုလည်း လက်ဖျားခါလောက်ရဲ့ ။ ဒီထက်ဆိုတာက ကိုယ့်ပြည်ကိုယ့်ရွာမှာ မိသားစုအသိုင်းအ၀ိုင်း အတည်တကျ ရှိနေပါလျှက် တစ်ရပ်တစ်ခြားမှာ တစ်အိုးတစ်အိမ် တည်ထောင်နေထိုင်တဲ့ ယောင်္ကျားသားများကိုတော့ အပြစ်တင်ရမလား ခွင့်လွတ်လိုက်ရမလားဆိုတဲ့ မေးခွန်းက ကျမကိုယ်တိုင် အသိညဏ်မမှီတာမို့ တိုင်းပြည်ဆင်းရဲတာပဲ အပြစ်တင်လိုက်ပါတယ်။ ကိုယ်ပြည်မှာသာ လစားကောင်းကောင်းရရင် ဒီလိုအဖြစ်ဆိုတွေ ကို မိသားစုတွေ မကြုံကြရလောက်ပါဘူးဆိုပါတော့ ။ ရယ်စရာကောင်းတာလေးတစ်ခုကတော့ အိမ်ပြန်ချင်နေတဲ့ ယောင်္ကျားကို ပြန်လာမှာစိုးပြီး ဗေဒင်ယာတရာတွေလိုက်လုပ်နေတဲ့ မိန်းမတွေကိုလည်း ခွင့်လွတ်မိပြန်တယ်။ သူလည်အကြောင်းမညီညွတ်လို့သာဆိုပြီးပေါ့လေ။ မဟုတ်ရင်တော့ သူမလည်း ယောင်္ကျားနဲမိသားစု စုံစုံနဲ့ နေချင်လောက်ပါတယ်လို ဖြေတွေးဖူးပြန်တယ်။
လက်မထပ်ဘဲ ချစ်သူတွေ အတူတကွနေထိုင်ခြင်းဆိုတာမျိုးက အခုလက်ရှိခေတ်ကြီးမှာ ဆန်းပြားတဲ့ အကြောင်းအရာတော့မဟုတ်ကြပါဘူး။ ဒါပေမယ့် မ်ိဘကွယ်ရာ မှာ ယောင်္ကျားရေ မိန်းမရေ ဆိုပြီး ပြောကြ ဆိုကြနေလေတော့ တစ်ကယ် ကို လင်မယားအောက်မေ့ပြီး မိဘတွေရှေ့ မှာ သူတို့ လင်မယားတွေ အဆင်ပြေပါတယ်။ သိပ်ကိုလည်း သိပ်ကို ချစ်ကြ ပါတယ်လို့ လောကွက်လျော်မိကြရာမှ ပြသာနာတွေ စမိကြတဲ့အဖြစ်က တော့ ရယ်ရမလို ငိုရမလို ကြုံရတဲ့ အဖြစ်ပါဘဲရှင်။ ကြုံခဲ့ရသမျှ အဖြစ်တွေကို သာ ချရေးကြမယ်ဆိုရင်တော့ ပြီးမယ်မထင်ပါဘူ။
ကျမဘာကြောင်းများ ဒီဆောင်းပါးကို ရေးသလည်းလို ကျမကိုယ်ကျမပြန်ဆန်းစစ်ကြည့်မိတယ်။ အတင်းသဘောများဆောင်နေမလားလို့ ကျမဆက်မရေးဘဲ နစ်ပတ်လောက် ပစ်ထားခဲ့ပေမယ့် ပြန်ရေးချင်စိတ်ပေါ်လာတယ်။ ကျမအဓိကဆိုလိုချင်တဲ့ အကြောင်းရင်းလေးက သူများတွေ ဘာတွေလုပ်နေကြတယ်ဆိုတာကို လူတွေသိအောင်ပြောပြဖိုမှမဟုတ်တာ။ မြန်မာလူမျိုးဆိုတာ ဒီလိုပါလားဆိုတဲ့ ဂုဏ်သိဏ္ခာမေးမိန်းနေတာလေးတွေကို ဖော်ညွန်းချင်တာပါ။ တော်တဲ့ တတ်တဲ့လူတွေကို တွေ့ရတိုင်းအမြဲကျေနပ်ဂုဏ်ယူရပေမယ့် မြန်မာဟေ့ လုပ်ချလိုက်ပြန်ပြီး လူကြားလိုမကောင်း သူကြားလို မကောင်းတဲ့ အဖြစ်ကလေးတွေ၊ မြန်မာဟေ့ ကြားလိုက်ရပြန်ပြီး ခိုးဝှက်မှု နဲ့ အလုပ်ထုပ်ခံရပြန်ပြီး၊ မြန်မာဟေ့ ပြသာနာတက်တာ လူကြီးကို နားလည်းအောင် ရှင်းမပြနိုင်လို့ ရှာလပတ်လည်နေတယ်ဆိုတဲ့ အဖြစ်တွေ၊ မြန်မာဟေ့ ဘာလူမျိုးနဲ့ ကြိုက်တာ အောင်မလေး လွယ်လိုက်တာ ထမင်းဟင်းကအစချက်ပြုတ်ပေးတဲ့အပြင် ပိုက်ဆံတောင် ကိုယ်က ပြန်ပြီးထောက်ပံ့သေးတယ်ဆိုတဲ့ သတင်းစကားမျိုးက နားခါးပါတယ်ရှင်။ ကိုယ်ဘာသာ ကိုယ်ချစ်တာ ဘာဖြစ်လည်းပေါ့ ဘာမှမဖြစ်ပါဘူး။ တချို့ကျတော့လည် အလုပ်မှာ အဆင်ပြေအောင် အထက်လူကြီး လူမျိုးခြားကုလား ၊နီပေါ့၊ ပါကီစတန်၊ စသည့်ဖြင့်ပေါ့လေ လူမျိုးစုံကို လက်ခံလိုက်ကြတယ်။ ကျမနဲ့လည်း နည်းနည်းလေးမှကို မဆိုင်တဲ့ ကိစ္စကြီးပါ။ ဒါပေမယ့် ဒူဘိုင်းရောက်မြန်မာများဆိုတဲ့ မြန်မာကိုယ်စားပြုအတွက်တော့ နည်းနည်းလေးများ ပတ်သတ်လေသလားလို့ တွေးမိလိုပါ။
လွတ်လပ်ခြင်းဆိုတဲ့ စကားလုံးလေးတွေ ၊ အရွယ်ရောက်နေပြီဆိုတဲ့စကားလုံးတွေကို မြန်မာလူမျိုး သိပ်ကိုမက်မောတတ်ကြပါတယ်။ ဘာဖြစ်လိုလည်းဆိုတော့ ကျမတိုတွေက မိဘမျက်စီအောက်မှာ နှစ်ပေါင်းတော်တော်များ အတူတကွနေထိုင်ရလိုပါဘဲ။ ဒီလိုနေထိုင်ရလို့ လုပ်ချင်တာကို ကိုယ်ပိုင်လုပ်ပိုင်ခွင့်မရှိလေတော့ မိဘကိုယ်ရာလည်းရောက်ရော ထင်ရာကို စိုင်းတတ်ကြတာ လည်း ဓမ္မဒါပါ။ တကယ်တော့ လွပ်လပ်ခြင်းနှင့် အရွယ်ရောက်ပြီးဆိုတဲ့စကားလုံးကို ကျမတို အလွဲသုံးစားလုပ်နေကြတယ်လို့ ယူဆမိပါတယ်။ လူအဆင့်တန်းမှာ လွပ်လပ်ခွင့်ရှိတယ် ဒါပေမယ့် လူတန်းစေ့၊ လူ့ကျင့်ဝတ်၊ ထုံးစံဓလေ့တွေဆိုတာ ရှိပါသေးတယ်။ ဆိုတဲ့စကားလုံးက ပြန်ပြီးတော့ ထိန်းသိမ်းထားပါသေးတယ်။
ကြုံသလိုနေတယ်၊ ထင်သလိုလုပ်တယ်၊ ဖြစ်သလို့ ရပ်တည်နေထိုင်နေရတဲ့ မြန်မာတွေအဖြစ်ကို တွေးတောမိခဲ့ပါတယ်။ ဒီလိုမျိုး ဖြစ်ပျက်နေကြတာ တခြားတိုင်းပြည်တွေက သတင်းတွေကို ကြားသိနေရတာတွေကို ဆန်းစစ်ကြည့်ကြမယ်ဆိုရင် မြန်မာလူမျိုး ယဉ်ကျေးသိ်မ့်မွေ့တယ် ဆိုတာ တခြားလူမျိုးတွေကြားရင် ရယ်စရာပျက်လုံးများ ဖြစ်နေအပါအုံးမယ်...တိုင်းပြည်ဆင်းရဲတိုင်း လူမျိုးဆင်းရဲ ပညာဆင်းရဲလို့ ကျမတို့တစ်တွေ တကယ်ဘဲ လူမွဲလူညံ့တွေ ဖြစ်သွားရတော့မှာလားရှင်...
စောစစ်
