ဝင်လုလု လတစ်ခြမ်း
တထီးတည်းလင်းတဲ့ မိုးသောက်ကြယ်
ငါရင်ထဲ အလွမ်းတို့ ညမှာတစာစာအော်နေခဲ့ကြတယ်…
တစ်ပွင့်ချင်းပျောက်ကွယ်သွားတဲ့ကြယ်ပွင့်နှင့်အတူ
ချစ်သူရှိရာ ငါ့အလွမ်းတို့ ခရီးထွက်ခွာသွားပေမယ့်
ငါရင်ထဲ အလွမ်းတို့မိုးမလင်းနိုင်သေးဘူး…
အေးစက်တဲ့ မွန်းကျပ်မှု
ကွားဝေးခြင်းအောက်မှာ မျိုသိပ်ခဲ့မိလေသမျှ
ညမှာ လွမ်းခြင်းတို့တန်ဆာဆင်၍
ငါ့ အခန်းထဲ ခုတော့ စင်တင်ကြလေပြီ။
မှိန်လင်းလင်းအာရုံဦးမှာ တိုက်ခတ်တဲ့လေတစ်ချို့
ချစ်သူထွက်သက်လေလား ငါထင်မိသေး၊
နီယွန်ထက်သာလင်းလိုစေတဲ့ မင်းအိမ်မက်မှာ
ငါ့ညတို့ ၀ပ်စင်း၊ မင်းထံပါး ခရီးဆက်လို့
အလွမ်းသီတဲ့ ငါ့လက်ပေါ်မှာ တော့
ကြယ်ကြွေတစ်ပွင့် ငါ့မျက်ရည်စက်တစ်ချို့
မလင်းသေးတဲ့ည
အမှောင်သောက်တဲ့ မျက်လုံးအိမ်
အလွမ်းတွေ ပွတ်သီးတဲ့ ငါရင်ဘတ်
ရင့်မှည့်တဲ့အလွမ်းတစ်ချို့
ငါအိပ်ရာနံဘေး အေးစက်ပျံကျဲနေလေသည်။
မယ်မဒီ
1 comment:
မလင်းသေးတဲ့ည
အမှောင်သောက်တဲ့ မျက်လုံးအိမ်
အလွမ်းတွေ ပွတ်သီးတဲ့ ငါရင်ဘတ်
ရင့်မှည့်တဲ့အလွမ်းတစ်ချို့
ငါအိပ်ရာနံဘေး အေးစက်ပျံကျဲနေလေသည်။
အဲအပိုဒ်လေး ကြိုက်တယ်
တစ်ပုဒ်လုံးလည်း ကောင်းတယ် အစ်မရေ..
Post a Comment